開班教西洋書法後最常收到既問題係：咁多班有咩分別呀？想學你寫個隻，係邊隻呀？
所以一次過寫出黎比大家認識下啦！
首先係銅板體 Copperplate, 源自17世紀初English Roundhand 雕刻係銅板上作印刷而得名，
線條粗幼俐落分明，字體端正，對運筆技巧要求較高，規範亦較多，所以需要時間慢慢練習。
而現代體Modern Script 運用西洋書法技巧，保留線條粗幼變化，係書寫時加入個人風格，所以每個Calligrapher 所寫既現代體並不相同。
而Flourishing 係係本身既字體上再加上裝飾線，令文字較花巧吸引，裝飾線可以自行設計，冇對錯之分，只有美醜之分，所以除左背常用既flourishing 之外，最重要係識得審美，實驗，同練習。
最後既一行Simplistic 其實亦屬於Modern Script既一種，大家可以留意到唔只字型，字體大小，間隔，斜度，都可以影響文字效果，所以學習Modern Script，老師教既技巧應該充份吸收，盡力模仿，但目標卻應該係做到一套適合自己既字體。學習時比較擔心「寫得岩唔岩」，其實可以更著眼寫得靚唔靚。
以上就係Copperplate 同Modern Script 既簡單介紹，上圖都係用沾水筆寫既效果，你最想學邊種呢？當你再深入接觸英文書法後就會發現有更多不同既種類，學海無涯，店主都仍然努力學習緊呢～
Comments